lunes, 19 de noviembre de 2012

Yfrog

Yfrog Twitterren argazkiak eta bideoak konpartitzeko erreminta

  • Zergatik Yfrog erabili? Irudiaren gizartean bizi gara, ikus entzunezkoen aroan. Hori dela eta, Twitterren publikatzen dugun informazio asko irudi eta bideoak dira. Yfrog aplikazioari esker zure jarraitzaileekin bideo eta argazkiak modu errazean konpartitu ditzakezu.



  • Nola erabiltzen da? Oso erraza da. Lehendabizi Twitterrera igo behar dugun irudia zein den adieraziko diogu aplikazioari, nahi izanez gero irudiarekin batera testu bat idatziz. Ondoren irudia kargatu eta berehala publikatuko da gure kontuan.
  • Abantailak: Inongo erregistrorik egin gabe erabiltzeko aukera daukazu, Yfrogek zure Twitterreko kontua binkulatuzen duelako.Gainera, dohaineko aplikazioa da. Antzeko beste aplikazio batzuekin gertatzen denaren aurka, Yfrogek bertsio mugikorra du, zure tablet edo smartphonean ere erabiltzeko (Android eta iOs-erako).
  • Desabantailak: Hizkuntza- aukera murritza dauka oraindik (ingelesez soilik erabili daiteke).
  • Twitterrerako bakarrik balio du? Ez, aplikazioa ez da Twitterrera soilik mugatzen. Facebook edo Myspace bezalako sare sozialetan ere integratuta dago.
  • Non aurkitu dezaket? aplikazio honen inguruko informazio guztia http://yfrog.com/ web orrialdean aurkitu dezakezu.
  • Twitterreko konturik ba al du? Bai, horixe. Yfrogen inguruko xehetasun guztiak Twitterren @yfrog kontuan.




Yfrogen inguruan gehiago sakontzeko

lunes, 29 de octubre de 2012

FORMULA MAGIKOA

Paperezko egunkariek ba al dute etorkizunik? Ordenagailuko teklatuek tintaz zikindutako esku eta hatzamarrak ordezkatuko al dituzte? 



Aldaketa garaian gaude. Aldaketa azkarra. Ia oharkabean gertatu dena. Abiadura handian. Gure interneteko konexioa bezain azkarra.

Teknologia berriek eragidako iraultza horrek informazioa kontsumitzeko era ere aldatu duela argi dago. Gero eta azkarrago lortu nahi dugu informazioa era pertsonalizatu eta osotuan. Hori dela eta, gero eta gehiago jotzen dugu egunkari digitaletara. Badago jende asko oraindik, ordea, paperera jo eta goizean kafesnea eskutan gaurkotasun informatiboa sakontasunez aztertzen duena.

Gara eta NAIZeko zuzendaria den Iñaki Sotok (@gara_isoto) Administrazioa Euskaraz aldizkarian adierazi bezala, teknologia berriek ekarpen ikaragarria egin diote kazetaritzari eta baita kazetariei ere. Hala ere, prentsa idatziak "industria- birmoldaketa" behar duela uste dut nik ere. Aldatu, aurpegi berri batekin indar handiagoz jaio, gero eta segmentatuago dagoen publikoa harrapatu nahian. Txema Ramirez de la Piscina EHUko kazetaritza irakasleak ere honexekin egiten du bat: metamorfosia, birmoldaketa, errentagarria izan daitekeen eredua bilatu.

Hau lortzeko formula magikorik ez dago, baina bai funtzionatu dezaketen formula asko: sakontasun handiagoko edukiak sortu, genero ezberdinak landu, egunkarien orrialde kopurua eta maiztasuna aldatu...

Formula magikorik ez beraz. Probatzeko aukera ugari eta ibili beharreko bide luzea aurrez aurre.